المقلة والغربال .
*********
الفاسد اللي ما يليق
لازم يرحل يتهز
باش غيرو يوعى يفيق
الغربال خصو يفرز
النخالة من الدقيق ،
إلى العيب بان ارز
لازم لو من تحقيق
انزيه حقاتي امركز
والعقوبة تطبيق ،
الشعب اطلع ليه الخز
اعدف لخواض ولغميق
بغاوه ايصدق بزز
بغاوه ب لكذوب ايتيق
من فاسد فيه الفز
مخاوي مع المكر اشقيق
امصندل ما بغى يقفز
اضميرو ما بغاش يفيق
ف المقلة ويحنزز
والشعب الفايق عايق
طال صبرو شحال دوز
يقاسي المحنة و الضيق
والفاسد امعزز .
ليست هناك تعليقات:
إرسال تعليق