الدنيا شوكة في حلق لي ي
عاني
ولساني في العافية رماني
سمع كلامي و خود معاني
ديرو حلقة قي ودنك لا تنساني
قرا كلمتي فيها حزاني
رد بالك بنادم هو لي اداني
الناس بالناس ومحبة الناس كنز
والتقيل في الناس تقيل بالكلمة والعز
الدنيا كلها افات
تلبسك توب الخير وهي خازنة لدغات
والقلب الصافي ما ينفع في الحياة
تكويك و تزيدك فقصات
سماها كحلة غيوم
ترميك و تخليك معدوم
تسمح وانت عايش في هموم
وهوما يدبحوك بمطوي مسموم
ما تلهى بكلام معسول
راى بزربى يزول
الا كان حرتك مكمول
تمر سبولتك وتفرح بلفول
عبدالهادي ابوياسر حنيف
ليست هناك تعليقات:
إرسال تعليق