هذا عيدك الالة
انتي لمرة ونتي زمان
شعلي لمجمر
اوجدي لقطبان
اري المقراج بزعيتر
نشحرو شي كيسان
راه لغنمي سمين
خاصو يطيب مزيان
اما الكبدة وبولفاف
راه غير يشم ريحت جمر
يولي سخفان
ذبحو لحوالة تعلقت لكزرة
وتلاحو لبطاين
كولشي فنهار فات
تخلطات تقلية مع الكرعين
وطيابك الالة الحادكة
بلا قوام راه بنين
الراس ملي يتشوط
عاد بانو ليه السنين
محلاه مبخر ومع الكامون
شحاااااااال بنين
العيد الكبير الله يدخلو علينا
بالصحة والهنا وعلى كل المسلمين
.......خالد حدادي.........
ليست هناك تعليقات:
إرسال تعليق