على ضيم الحروف ارسم تغاريد الجروح بعاد
وفي دفتر وصال الشوق يرسم صورتك فيني
تعلمت الوفا من وقت كانين الليال شداد
وحاولت ابتسم في وقت كان الجرح يغزيني
على احساس الامل دقت معاني نبضها رداد
ومن عقب الفراق ترجع تراضي دمعتك عيني
دفنت الهرج في خلفي وصفى قلبي الأحقاد
اداوي جرح في صدرك ولاكن عقبها جيني
زفير النفس يتقاسم على سطر البياض مداد
وأفكار الهجوس الي عن اوصافك توصيني
اغني بالقصيد الجزل واسهر والعباد رقاد
واحلام القلوب الي تضاحكني وتحييني
انا شوفك في الدنياء روايه كلها امجاد
ونا لامن حظر طيفك عن العالم يكفيني
على نهر الدجى هبت مشاعر حبلها الاوتاد
تنادي نظرتك ترحم على يمك توديني
مفاتيح الخفوق عندك وقفلتيه بالاصفاد
فهل باقي امل ترجع سواليفك تغذيني
احبك ياصدى نبضن يحرك رقمها عداد
احبك ياامل فرحه على جرحي تداويني
على دربك زرعت الورد ولاكن كثرة الحساد
ومن فمك شربت الحب واحساسك يغطيني
ليست هناك تعليقات:
إرسال تعليق