مجلة ‏رابطة ‏قمر ‏الأجناس ‏الأدبية ‏وبصمات ‏نقدية ‏

قال الطبيب نشفو عينيك
ودمعي باقي يسيل
نبكي وحدي في الليل
نتفكر وليدي
ربيتو بيدي
والغربة قتالة
تمنيت لوكان بيدي
نختار ليه
يبقى معايا
وانا نخدم عليه
نبكي على لوليداللي كنقريه
نزعف عليه
وعارفة ما عندي جهد عليه
على ميمتي بنات وغرست وعلات
وتشلت وفي ركنة جلست
على خويا داك زوين
الشجاع المقاتل
السرطان وحدو قضى عليه
على ختي
ماتت والموت ما عرفت ليه
على بناتي واخا تجيب لي غير الما
ولا تقول شي خبر ونضحك عليه
نبكي على راسي
كلشي فيا تغير
وليت نبغي نبقى وحدي
ولكلام الخايب منقدر عليه
نبكي عليك ابلادي
حيت رجعت من الغربة
وقلت ترابك ما نسخى بيه
وانت حكموك ناس
حتى واحد ميفكر فينا وفيك
نبكي
الى دزت حدا الطبيب
ونعرف شحال من واحد محتاج ليا وليك
وجهدنا محدود وحيلتنا صغيرة
ونوقف حايرة
والألم يعصر قلبي ويقضي عليه
سيد الطبيب
عينو نشفو حيت العمر تقدم
وعيني باقيا تدمع
وهاذ الشي ما عندي ماعندك حكام عليه
<br>
لحمر كلتوم.