‘‘‘جيت وتصدمت‘‘‘
جيت نطرز منديل لراسي
تخبل لحرير ؤ ما لقيت لو خيط
قلت نبدلو ونحبكو بسدى مربوط
تحتحت كامل ؤ ولى بونج مفرشش
ما يليق حبيك مايليق تعمار لوسايد
جيخنت نزرد زرعي ما بقيت
فرزت لحبة من دود البرويش
تفقصت ونا ما نحمل كومير ؤلا
عبو الريح
بغيت نغزل قصيدة على الوطان
توضرو لي حروفي ؤ شفت بعيني
لقوافي حرقات ولفلايك توضرات
ما لقيت ما ندير
بديت بالتعداد
نعدد على شلا حيوط مشقوقة
على شلا زين غبر مع قلة العفة
على شلا رجلا مطيحة لعمامة
على شلا هموم مسگية ببلول
منصوب بالفقصة
على شلا وبلا والي
الى بقيت غاد مع حروفي ما نسالي
ليست هناك تعليقات:
إرسال تعليق