ماني ب لاشاعــر ولاني ب رسام
لكن والله لاارسمك في قـصـيـده
واصورك من شعر راسك للابهـام
أجيد نظم الـشـعـر والا ماجـيـده
ياشمس يا نور اللـيالي والايــام
يا نجمـتن بين الكــواكب فريــده
قولو له اني ياهل العشق ما نام
وشلون انام ومهجـة الروح بـيده
حبُه دخل قلبـي بدقه واحـكــام
وسيطر على كلي سلوك وعقيده
اذكر جديلـه لاتغطـن الاظـــلامّّّّّ
سواد ليلن لابسـن كل جــيــده
لاقضهــا ماتنتوصـف بالاحــلام
صورة خيالـيـه وحاجـه جديــده
وان فرقه عن جبهة البدر ثم قام
من لد فيه العيـن سمي فقيـده
والعين ياعين اشقرن لد ثم حـام
كم روح راحت من عيونه شهيده
وسكبة حجاجه كنها رسم مرسام
صوره فريده من عصورن بعيـده
ورموش عكشن حاكمني بالاعدام
من بينهن تنسـل نظـره سديــده
ريقه عسل واحلا من الريق الانسام
كنه يعطـر من يكـلـمه بــيــده
اليـا تبسم اتحطــم تـحــطـــام
واموت لاشفت الثنايا سعـيــده
مثل البرد في حمرة الدم باحكام
تضيع فيهن العقـول الرشـيــده
والخد نون بارقه حطـه اقســام
اليا اشتعل برقه بظلمه شديـده
والعنق عنق غزيلـن مابعـد رام
ظبين مداهيله جنـانن رغـيــده
ناعم جسد ما كن بجسمه اعظام
اليا تمايل تمشي الناس سيــده
والمتن لاهزه عَ صـوت الانغـام
يهتز قلبــي ويتحــرك وريــده
والوسط ماشده هوى البال بحزام
شبريـن والا بعـد ماهيب اكيده
ويميل الردفين ورى وقــــدام
كنه يردد بالردايــف نشــيــده
وياطى هوى بالي عَ الارض باقدام
وارضن وطاهـا بالقدم مستفيده
الديره اللي مرها باول العــام
تخضر من بعـده سنينن مديـده
حيثه كريم الروح من ناسن كرام
مالك جمال الكون والحسن سيده
لرموش عينه في الاوادم تحكام
لا اشر برمشه يفعل اللي يريده
ان قام تلقى الناس من حوله قيام
كلن يحبه مـالـه اعــدآئن تكيده
عن وصف محبوبي يصومن الاقلام
وترى كلامي ينقـصـه مايزيـده
يحكم على المبدع من اشد الاحكام
لو قال صورته بهاذي القصيده.
ليست هناك تعليقات:
إرسال تعليق