رحيل ليام
ف نصاص الليل كلت
بسم الله نبدا لكلام
بديت نغزل الحروف
ونزممها بلقلام
بديت رقع خيوط لغزيل
ليرشاتها الليام
شحال وحنايا صغار
وحلمنا من احلام
حتى حاجة ماتحقات
وخا نشوفها غير فلمنام
هزيت رحيلي
فليل شاتية وكلها ظلام
شكيت وطا وجبال ووديان
وصمتي طااااااااااااااال
ماقدرت ننطق بكلام
وليت ساير جوال
كيف رحيل الليام
مرة نجوع
مرة نعطش
ونبغي توبة من الله
نكملها غير بالصيام
فقرية خالية
مرة تشرق شمسها
ومرة تولي ظلام
كل عبد مقسم ليه رزقو
كيف الواقع
كيف لحلام
( خالد حدادي )
ليست هناك تعليقات:
إرسال تعليق