......الغابة.....
ضرني فزماني الخاطر
مسكينة الغابة شحال بكات
وما لقات ليها ،شكون يواسي...
.....
سوس الجدر وزادها لغدر
والدموع طاحوا منها ورقات
وولاو ماء تحتها راسي....
....
صبرت للا شحال صبر
نوحت ما سمعوا منها غوات
وفينكم يا اصحاب لكراسي....
....
لي تهرس منها ما جبر
ومن جرح المنشار ما برات
و الشاقور سوس ضراسي...
....
معروفة بالنية طول لعمر
ما تحبس من هواها بيه تغذات
وبالاكسجين تلطف ليا انفاسي....
....
اليوم تقطع فيها شجر
ومن قلة شجرها ولات وطيات
وهذا ما زاد همي واهواسي....
....
لونها رجع يابس و صفر
وما خضارو ليها ورقات
ولا وحوش بقاو ليا وناسي...
....
ردوك كانون وللطياب جمر
شحال من كوشة فيك تبنات
والفاخر ردوه منك أساسي...
....
تناشد اليوم بالغوات ولجهر
وعليك ما فاتوا لوقات
والسحيلة ترجع غراسي...
....
قلبي بحبك راه عمر
الله يرحم الغراس لي مات
وها انا اليوم من حالك نقاسي...
.....
.........أحمد الناصري.......
ليست هناك تعليقات:
إرسال تعليق