ياوطن حاكيني لحاكيك
وقلي وخبرني
انت يلي كنت عايش فينا ولا نحن عايشين فيك
شو سرك ياوطن يلي الروح بتعشقكك والعين بداريك
ياوطن قلي قصتك ليش القلب والروح بتناجيك
ياوطن حاكيني لحاكيك
صفيت وحدك بهالدنيا لألي شريك
قلي شو بدك أعمل ياوطن حتى أراضيك
انت شربت كاس الغربه ونحن غرباء بأراضيك
ترى حالك متل حالي ياوطن
الكل غدرني ونسيني وانت خانوك وباعوا أراضيك
ياوطن قلي ليش بخونوك وببيعوا روابيك
يعني هدول مو أولادك ولاتربوا فيك
شو قصتك معي ياوطن
حالك متل حالي الكل بيطعن بالظهر ولا حدى وفا لافيي ولافيك
تعال ياوطن نسكر سوا بكاس محبتنا بخمرة محبة وطن
ونشرب كاسك ياوطن
ودوخ أنا وأشرب همومك يلي فيك
وجروحك لعلي أداويك
تعال نسكر وندوخ ياوطن
بركي انت تفكر حالك انا وانا فكر حالي وطن فيك
وتبكيني بعيوني وأشوف دموعي بعيونك والغربه شو عملت فيك
وبقلك لا يهمك ياوطن
ترى عندك أولاد مخلصين بالروح والدم تفديك
ياوطن حاكيني لحاكيك
وإبكيلي لأبكيك
ولايهمك ياوطن
رح نسكر سوا وخلي إلهي يجازيني ويجازيك
ترى القلب والروح
ياوطن
تاهت في معاناتك ومعانيك
ليه ياوطن
العين بتعشقك
والروح والقلب بتناديك
رح تبقى شامخ ياوطن والعز براوبيك
رغم كل الأعادي
يلي طامعه فينا وفيك
ورح تبقى ياوطن وطن وبالدم والروح تفدينا ونفديك
يااااااوطن حاكيني لحاكيك
ارتجاليه ع قهر
✍🦅نسر الابراهيم
ليست هناك تعليقات:
إرسال تعليق