العمر فات
~~~~~~~
فى يوم صحيت من نومى
لقيت يومى خلص خلاص
والعمر قلت ده عدى وفات
من بدرى يومى كان نفسي
اعمل حبة حاجات
ومالحقتهاش
العمر خلص من بدرى منى
وحاسه ليه انه راح بلاش
الظهر اتحنى والشعر شاب
وسالت وقلت فين الاحباب
والعمر خلاص عدى وفات
انا كنت فاكره انه ده لسه
وانى اعوض كل اللى فات
بتمر قوام هى الايام وماتستناش
وانا اللى كنت عايشه فى اوهام
ليه بس العمر بيمر قوام
كان يستنى عليه شويه
كان عندى حاجات مستنيه
بس كنت بقول اوانها ماجاش
ولقيت العمر قوام بيمر
بين حلو ومر
وحجاتى قوام اوانها ده فات
اصل الايام بتعدى قوام
لاتبص علينا ومابتستعناش
مع تحياتى/راوية حسن
~~~~~~~~~~~~
~~~~~~~~~~
~~~~~~~~
~~~~~~
~~~~
~~
ليست هناك تعليقات:
إرسال تعليق