شحال من سؤال وضعوه قراني
كل سؤال فيه معنى ومعاني
عييت نخمم جوابو عياني
سولت ناس الحكمة ورجال زماني
يا ناس علاش انا فالدنيا براني
نصحوني يا ناس
من صغري وانا فالتخمام
حتى رجعت شيباني
واش الطمع غطى عينيا وعماني
خلاني فالدنيا هايم وحداني
فين ما مشيت نقاسي ونعاني
جاوبني حكيم بقول رباني
بجوابو ما عرفت آش بلاني
تكلم وقال
يمكن بالقول عناني
بيبان الدنيا ليها ساروت
تعيى ساكن فيها وأخرها الموت
يا الداخل لدار الدنيا
يا غارق فهمومها
يا هامل بيبانها
عنداك يفوتك الفوت
دير يقيتك فالله
راه الدنيا ما دايمة
مصيرك غدا كفن وتابوت
يوم ملقاك مع مولاك
ما ينفعك مال ولا جاه
ما ينفعوك خوت
توفيق بومدين
المغرب / الناقد عبد الرحمن الصوفي
![المغرب / الناقد عبد الرحمن الصوفي](http://4.bp.blogspot.com/-VcBYb-guyp4/XgMFAe6t8fI/AAAAAAAADlg/czNVF5sruuE6-wolNTRz8DG6Ib7wrQe5ACK4BGAYYCw/s1600/20191016_073929.jpg)
السبت، 22 سبتمبر 2018
Toufiq Boumediene ○●■★》《¡¿♥♡☆☆
الاشتراك في:
تعليقات الرسالة (Atom)
ليست هناك تعليقات:
إرسال تعليق