جنان التامر
*************
ف داك جنان التامر تحرق شهدي
تلفات وقات حلوة ؤجمد خيالي
دخل العمر ادهالز شيبت ركاني
ؤتگرع السعد ضيم جيف حالي
نزلات مطارق صمكات احصادي
هيجات عقلي ؤتلف تيه تخمامي
الحجر تطحن ماه ؤشربتو زحل
ؤالكية شوات الكبدة ما خلاتني
ماني تشوفت تسگام فرح زهري
ولا طلع هلال السر فيه مكتابي
غير حلمتي برزت عزبة محنية
حناني ؤمكحلة كحل سوداني
عروسة مرهونة حرف دمياطي
يديها في يدي ضاحكة هبلاتني
من شوفتها الزهرية دوا هلالي
ما حسيت الا شعا زينها عماني
رجعت خلف ؤفيقاتني محايني
هاكذا تهبال جنان زمان حالي
مسايس مواج الصعرة مرتاتني
هزيت جلايل الصبر على كتافي
ؤكملت حرث الأيام من ساسي
دندن دنداني نغمة من الحصباوي
فيقات رگادي ؤوگضات شاني
جدبت جدبة هيجات سواكني
غيبت حالي ؤفيقات بها جوادي
ؤمن مداد الشدة زممت حروفي
قصيدة منسمة كلام سر ؤمعاني
بقلم محمد حديش
م͠ج͠د͠و͠ب͠ آ͠ل͠ح͠رف͠
ليست هناك تعليقات:
إرسال تعليق