سمعني نوصيك ياخويا وبزاف
الا خطاتك الصحة وخطاوك لكتاف
لي جا يمسح بيك لرض
كيف جفاف
لادير الثقة
لايكون قلبك ولاف
راه لي قرصو لحنش
من لحبل يخاف
راه المحراث واخة يكون من الهند
ماعمرو يحرث فنشاف
شوف غير لقراب
راه مايتهز
الى ماكان عندو حراف
فيق وعيق
راه لي طاح فلبحر
مايجبدو عوام
ولايجبدو مخطاف
راه عمر ولد موكة
مايكون كيف الساف
وخا غلاظ وكبر
وتنفخو ليه لكتاف
راه ماعمر الثور مايسمان
الا ماكان علاف
سمع غير نوصيك
تكون فقلبك الرحمة
ماتكون قاسي ولاجاف
شوف الشجر مييبس
الا لكان الجفاف
راه زمان النية والمعقول
مشىىىىىىىى
ومبقى غير التخراف
حتى فكلام الناس
ولات غير لمعاني والتحراف
لا تحسب راسك شديد
وقلبك حديد
راهم بضربة لغدر
يضربوك بين لكتاف
راه النية والمعقول
مشات مع لسلاف
[خالد حدادي]
ليست هناك تعليقات:
إرسال تعليق