بعنوان:يا ولفي
كان ياما كان
يا نور عياني
فتح دوك
الاودان
ناس زمان
من غير زماني
خلاو اثر الحكمة
منقوش ف
الادهان
يا وحشي
خبرني نزور قبور
دوك
القومان....
الدار لهناك
اعييت نسول ونسال
على زينة
البها والإحسان
للاه خبروني
رجال ونسوان
بالي مشغول تيهان
هبالي هبال
الزين الشين
محنة السنين
مرسوم بين
الحجبان....
كان يا ما كان
كانت الجدة
تروي الحجاي للصبيان
الصغير
يكلم الكبير
حشمان
طار الحياء
وعلا بلا جنحان
دبالت الوردة
لزرعنا
ف الجنان
نشفت م الماء
زينت النظرة
نجومها ف السماء
الغرام ع كفوف الليل
سهران...
كان يا ماكان
ماتت الشجرة
الضر بين ضلوعي
ونا يا غارق ف دموعي
همومي تسيل
حملت
الويدان
حسبوني هبيل
مساوي
الافراح والاقراح
لابس لعانة
الأحزان..
كان ياما كان
داويت الجراح
الشعور سندت الصدر
المحبوب توسد
الدرعان
مانسيت عشرة العمر
خاطري جوفه
غضبان
يا ولفي غيابك
عدبني راني زعفان
عقلي تايه
مع خيالك
سرحان:
12/9/2018
بقلم محمد البراقي الحسناوي
ليست هناك تعليقات:
إرسال تعليق