مجلة ‏رابطة ‏قمر ‏الأجناس ‏الأدبية ‏وبصمات ‏نقدية ‏

شفت حتى عييت
وسكاتك مكاين بحالو
اولد الناس
أنا مرا ماشي عساس
كلشي بقياسو
فهم الفاهم
التفاهم عندو لساسو
فين نرد الراس
عمري فنيتو بلا إحساس
وكل نهار
يفوت عليا بحال لحجر
اولد الناس
لعمر قصير ومعك فنيتو
اللي باقي منو
بغيتو يكون حسن من اللي فات
داويت وسامحت
ودرت العيب في راسي
اش ذنبي
لو كان غير كنت بحالي بحال الناس
حلمي صغير ونكافح
بغيت نعرف علاش كنقاسي
الى ربي باغني
هو عالم بإحساسي
اولد الناس
ياك لباس
راجع نفسك
قبل ما توقع الفاس في الراس
ماشي شرفنا والشعر كبرو شيباتو
رد البال
صبري كملتو
وكلشي درتو
باش سفينتي ما تغرق
وندم على اللي بنيتو
اليوم تعديتي لقياس
معليهش
ما كاين باس
كل حاجة كتزيد في الراس
والعيشة المرة
والكره والحقد
ماشي انا مولاتو
بنت الأصل
وانت عارفني
قدرني وما تحقرني
راه نفد صبري
والصبر انا مولاتو
لحمر كلتوم