ﺳﺎﻳﺮ ﺯﻣﺎﻧﻚ ﻟﻮ ﺯﻣﺎﻧﻚ ﺗﺤﺪﺍﻙ
ﻭ ﺍﺻﻨﻊ ﻟﻨﻔﺴﻚ ﺑﻴﻦ ﺭﺑﻌﻚ ﻣﻜﺎﻧﻪ
ﻭ ﺍﺻﺒﺮ ﻭ ﻟﻮ ﺣﺘﻰ ﻋﻠﻰ ﺍﻟﻤﺮ ﻫﺘﺎﻙ
ﻭ ﺟﻨﺐ ﺃﻗﺪﺍﻣﻚ ﻣﺴﺎﻋﻲ ﺍﻟﻬﻴﺎﻧﻪ
ﺍﻟﻔﻘﺮ ﻣﺎﻫﻮ ﻋﻴﺐ ﻟﻮ ﻛﺎﻥ ﻣﺒﺪﺍﻙ
ﺍﻟﺼﺪﻕ ﻭ ﺍﻹﺧﻼﺹ ﻭ ﻋﻨﺪﻙ ﺃﻣﺎﻧﻪ
ﺩﺭﺏ ﺍﻟﻌﻼ ﻣﺤﻔﻮﻑ ﺩﺍﻳﻢ ﺑﺄﺷﻮﺍﻙ
ﻭ ﺍﻟﺤﻆ ﻳﻠﻌﺐ ﺩﻭﺭ ﻻ ﺍﻟﻮﻗﺖ ﺯﺍﻧﻪ
ﻭ ﺍﻟﻌﺰ ﻋﺰ ﺍﻟﻨﻔﺲ ﻭ ﺍﻟﺸﻮﺭ ﺫﺍ ﺟﺎﻙ
ﻣﺶ ﺷﺮﻁ ﺃﺟﻴﺎﺑﻚ ﺩﺭﺍﻫﻢ ﻣﻼﻧﻪ
ﻣﺎﺣﺪ ﻳﺪﻭﻡ ﻭ ﺍﻟﺒﺎﻗﻲ ﺍﻟﻠﻪ ﻳﺎﺫﺍﻙ
ﻭ ﺍﻟﺸﺨﺺ ﺻﻴﺘﻪ ﻣﺎﻓﻌﻞ ﻓﻲ ﺯﻣﺎﻧﻪ
ﻭﺍﻧﻄﻖ ﺑﻤﺎ ﻳﺮﻓﻊ ﻟﺪﻯ ﺍﻟﻨﺎﺱ ﺫﻛﺮﺍﻙ
ﻓﺎﻟﺤﺮ ﻭﺯﻧﻪ ﻣﺎﻧﻄﻖ ﺑﻪ ﻟﺴﺎﻧﻪ
ﻭ ﻭﻓﻲ ﺑﻮﻋﺪﻙ ﻭﺍﺣﻔﻆ ﺍﻟﻠﻪ ﻳﺮﻋﺎﻙ
ﻭ ﺍﺑﻌﺪ ﻋﻦ ﺍﻫﻞ ﺍﻟﻘﻠﻘﻠﻪ ﻭ ﺍﻟﻤﻴﺎﻧﻪ
ﻭ ﺍﻟﺼﺎﺣﺐ ﺍﻟﻮﺍﻓﻲ ﺇﺫﺍ ﻳﻮﻡ ﻧﺎﺩﺍﻙ
ﻟﺒﻪ ﻭ ﻟﻮ ﺗﺨﺴﺮ ﺣﻴﺎﺗﻚ ﻋﺸﺎﻧﻪ
ﻭ ﺍﻟﻔﺴﻞ ﻟﻮ ﺗﻨﺨﺎﻩ ﻗﻔﻰ ﻭ ﺧﻼﻙ
ﻻ ﺗﻄﻠﺒﻪ ﺗﺄﻣﻦ ﺟﺮﻭﺡ ﺍﻟﻤﻬﺎﻧﻪ
ﻭ ﻻ ﺗﻠﻮﻡ ﺍﻷﺣﻤﻖ ﺇﻥ ﻳﻮﻡ ﻋﺎﺩﺍﻙ
ﻭ ﻻ ﺗﻌﺎﺗﺐ ﻣﻦ ﻳﺨﻮﻥ ﺍﻷﻣﺎﻧﻪ
ﻭ ﻻ ﺗﺨﻠﻲ ﺍﻟﻨﺬﻝ ﻳﻤﺸﻲ ﺑﻤﻤﺸﺎﻙ
ﻭ ﻻ ﺗﺠﺎﻟﺲ ﻋﺎﺷﻘﻴﻦ ﺍﻟﺨﻴﺎﻧﻪ
ﻭﺍﺻﺒﺮ ﻋﻠﻰ صاحب ﺇﺫﺍ ﻳﻮﻡ ﺟﺎﻓﺎﻙ
ﻟﻮ ﻫﻮ ﻳعزك ﺻﺪﻕ يرجع مكانك
ليست هناك تعليقات:
إرسال تعليق