حرقتك فلكلب زاهرة
ما برداتها شتا
ما نساها ربيع
وما جمعها صيف
عوافي بالدوام شعالة
ما عشقت وهوات غير لخريف
لوعتي عليك صبابة
وسباب قهري
وتبهديل حالي
دموعي عليك كبابة
حتى طير الصباح
تغرادو ولى نواح
تبدلات حالو
حتى جفر هجر لمكان وراح
تنكس لورد وطاحت اوراقو
عليك بكى لحبق والسوسان
كل نهار يولول ويجدد نواحو
ما ظنوك ترحلي تقطعي الود
وتسدي البيبان
سارية تقابل سارية
وقوس ينادي قوس
حازنين عليام لباهية
فغيابك رابت سيسانهم
تهرست ركايزهم
ويتسناو الساعة توصل
بقلمي :📝سكينة الشرقاوي📝
ما برداتها شتا
ما نساها ربيع
وما جمعها صيف
عوافي بالدوام شعالة
ما عشقت وهوات غير لخريف
لوعتي عليك صبابة
وسباب قهري
وتبهديل حالي
دموعي عليك كبابة
حتى طير الصباح
تغرادو ولى نواح
تبدلات حالو
حتى جفر هجر لمكان وراح
تنكس لورد وطاحت اوراقو
عليك بكى لحبق والسوسان
كل نهار يولول ويجدد نواحو
ما ظنوك ترحلي تقطعي الود
وتسدي البيبان
سارية تقابل سارية
وقوس ينادي قوس
حازنين عليام لباهية
فغيابك رابت سيسانهم
تهرست ركايزهم
ويتسناو الساعة توصل
بقلمي :📝سكينة الشرقاوي📝
ليست هناك تعليقات:
إرسال تعليق