تحية لمقدمت سربة خيالة ألمحمدية
حليمة بحراوي
بقلم طارق حنيف ابوزهرة
مقدمت ألسربة وسرفي ألركبة
كادو ألخيل وااااااااألحفيض الله
نعام لالانعام
وألمكاحل في ألهزى وألحطة
جبتي ألتمام ،
وفي ألتشويرى ألخيل مدرجة
وفي ألنوضة ألحافر يخلي
من وراه ع ألعجاجة
الله معاك على فراجة
وتخريجة مقادة مع ألندهة
حارو فيك حكام دار ألسلام
وحيرتي ناس ألحركة ألقدام
نعام لالا نعام
شرجك فيه سميتك تنجت وشام
و بتماك وألحرفات وألقفطان
وشد ألراس بهم مولوعة
درتي من جوج خيل سربة
ودربتي بنات ألقبيل
كبير وصغير كلشي ولا ليك يميل
وشقيتي بنهار وزيدا حتى ألليل
طبعتي طابع ترات أصيل ولغاك مايتلام
بكتي على موت عودك ألدهم
وأنا بكيت معاك بألورقة وألقلم
بسيف مانبكي على ألدهم
ألدهم لا ترفد ليه هم
سولو عليه ألاجداد كالو من ضلام ضلام
وفي سربة ديما ألكدام
ألدهم توب يلمع وساس
وحرجهدو يكردد في لجام ألفاس
حليمة دار وزاوية
وعقل وقلب كبير
وجودا وفين ما كانت ألحركة مجودة
ركوب ألخيل
من جد لبو ولولد ولي زعم ديما ﻻكدام
مدينة اليوسفية
المغرب
ليست هناك تعليقات:
إرسال تعليق