الركب
دار بينا الركب اودار
تجمعت كاع لقبيلة
واهل الدوار
مع كل حبيب وجار
على الرجلين وناقة
الركب بينا سار
درنا من بلاد لبلاد
وعبرنا جميع الاقطار
شفنا وجوه الخير
ناس لحرار مافي قلوبهم
دغينة ولا منكار
بالصفا والنية تجمعنا
اوغادين زوار
لي ارض النبي المختار
طفنا بالكعبة ولبينا
وطلبنا ربي يهدينا
بالصفاء والمروى
اوفي المسجد صلينا
وترجينا ربي من كل دنب
يغفر لينا ولا منكار
بالنية صافية حجينا
حجة الشرفة لحرار
الى مكتاب وربي
طول لينا فلعمار
بالصحة والهنا
رجعنا ساليمين لديار
مشا هاداك الزمان
ديال الناس الاحرار
بالصبر صلنا اوجلنا
جميع الاقطار
غير مشاة والناقة
ماكاين لا طيارة ولا كار
سيريين في ارض الله
بلا قيود ولا حصار
شوفو اليوم الزمان كيف سار
كترت لحروب واوجوه الاشرار
...........خالد حدادي.............
ليست هناك تعليقات:
إرسال تعليق