الغابة
ياصاح..
كل صباح شوف سماك
وعلى حساب الجو
اختار لبسك وغطاك
لا ثقة فالفصول
تخلط صيفك بشتاك
وقبل ماتخرج
سلم على امك وباك
ربما ما ترجع
نسور الغابة تتشهاك
رد بالك من الغابة
تحصل،يقولو اش داك
شوف لا تدوي راه لسانك
يكون سباب خلاك
دخل سوق راسك
خلي الضبوعة
مع لقرود تشطح ،
الغابة ماشي ديال باك
ولا ضرك قلبك
نوصيك ماتقيا ها وياك
ريحة التقيا تجمع عليك
النحل والناموس
يضل ويبات يحوم عليك
حميد النكادي 24/07/2018
ليست هناك تعليقات:
إرسال تعليق