★★ منامة عوجة ★★
فْ وَسْط العتْمة و زْحـــام الظلمة
فرَّشْتْ الورْقة و الَوْسـادة كلمة
وَسَّدْت حْروف و قْلَم فْ كْـــفوف
و ْدْخُلت نعُـــــــومْ وَسْطْ الْحَلْمة
رِيتْ فْ الَمْنامْ ، قُلْ : خِيرْ سْلاَمْ
عُشّ حْمامَة تْخَـــــالَف الَحْمَام ْ
مَهْد و قْيَامَة و مِصَر و الشَّـــــام
و أوَّل قــبْلَة سَبْقَتْ الَحْـــــــرَامْ
★★★★★
حْمـــــــــــامة بِيضَا حضْنَت بيضة
جَـــــــــــاها تَنِّينْ خَــــادْ البِيضة
عْطَـــــــــاها الَقْشور و كَال المَحّ
اســْراب عْريضة بَعْقـــول مْريضة
جَـــــــاوْ و سَألُـــــو فِينْ البِيضَة ؟
فْ فَمُّو نِيــــرَان ، جَــاوَب بْ : بَّحْ
السّرْب تْقَبَّـــل و ْبَيَّن رِضَــــــــا
وْ قَــــال الصُّمود مُــوش فْريضَة
و تْرَك ْالْـــــــــــمَحّ وْ فِيه سْمَح
نْسى الَحْمَــامة و تْبَع الْمُـــوضَة
وْ زْرع جَلاَّد بْ سِيَــــــاج الفُوضَى
و ْبْنَى خِيــــــــمة و فِيها يَشْطَح
★★★★
وْ فْ عَزّ النُّـــوم صْحات الَمْنَــامة
مَـــــــا لْقِيت الْمَحّ لا َالَحْمَـــامة
ف لِيلِي مْكْفُوف ما قْدَرْت نْشُوف
حَسِّيت بخُـــــــوفْ وَسْط الظّلْمَة
قــــُلْت ْنْفَزَّكْ حَلْقِي بْالْمَــــــــا
نَرْوي خُــــوفِي مَن حَرّ الصَّدْمَـة
وَ بْدِيتْ نْطُــــوف ْما بِين صْفُـوفْ
لْقِيت الحُفْرة وْ مَـــا لْقِيت الْـمَا !!
رْجَعت فْراشي قْلَبْت الْــــــوَرْقة
دْخَلْتُــو مَـــاشي فْقَلبِي حُــرقَة
حَطِّــيت ْالـــرَّاس فُوق الْــكُرَّاس
الْعِين غْفـــَـاتْ خْـدَاتْنِي نُـــومـَة
رِيت ْالخُفَّـــــاشْ يْغَازَل بُــــومَة
دَارُو ميِعَـــــاد جَنْب الحُـــــومَة
أَوَّل قبْلَة مــــــــا لْهَا سُـــومَة
و هُوَ مَنْ كَــــــــــان فِينَا يَنْصَح
هُوَ زنْديـــــقْ و ْهِي مَشْؤُومـَـة
نْسَـــــاوْ العِيب حْرَامْ حْشُـــومَة
بِينْ كُونْگْرِيسْ كْنِيسْت ْوْ دُومَــــا
كَذْبُو كَذْبة و قَــــالـُـــو بْـالصَّحْ
صَنْعُو دُوْلة مـَــــــــا لْها قِيمَة
من قَاعِدة مـَــــــــــا مَفْهومة
جَـــــــــــابُو نُصْرة مَا مَعْلومة
وْ خَلاَّوْ الجُرْح فِيــــــــنَا يَسْرَح
و ذَاكْ الوَرْقة مـَن كـَـــانْتْ بِيضَا
بَعْدْ الْحَلْمَة رَجْعَت سُــــــــودَة
و ذَاك لَوْسَـــادَة مَن كانْتْ رُوضُة
هَزَّت لَرْحَــــال وْ تَحْلَمْ تَرْجَع
★ يزيد ★ العلوي ★ الأسماعيلي ★
★ في 05 ★ 01 ★ 2020 ★
ليست هناك تعليقات:
إرسال تعليق