★★★ مَا نَكْتَبْ فْ الَغْرَامْ ★★★
واحْد صاحبي سوَّلني : عْلاش ما تكتب ف غْرام
حِيث عارف قلبي حـــــــامل بالعشق و الَهْيام
قلتْ لُو : خويا ما نقدر حبي عــــالي ف مٓقام
كَنْغِير عليه من ورْقة و مــــــا نْتِيق ف الَقْلام
قال لي : مَدحو بْشي كلمة و لَو حتى بْســْـلام
راه كلمة فْ غْرام على صْدَر الَحْبيب وْســــــام
جَــاوَبْت : حْبيبي غالي مــــــــا يْوَصْفو الَكْلام
هو كْبَر مَن كلّ حْروف و زِيد حتى لَرْقــــــــام
عند الَمْسا قْبَل النّعسة نْشوف طِيفو ف ظـــْلام
نٓســامٓرُو و نَسٓهر نْتْغزّل في القدّ و الَقْـــــوام
ما نْطِيق نْفَرْقو لِيلة و مــــا نْطَلقو فْ حـْـــلام
نْخَلِّي عِين وَحْدة تَنْعس و عِين تَحْضي الَمْنــــام
حْبـِيبـتِي نْنـــَــــادِيها بْقْمَر أَو زِينَة لَرْيـــــَـام
مـــا نْطِيق نْقول يـَــا لَمْرا او كَلْمة مَـــــــدَام
عْيونْها زَرْقَا لُـون بٓحَر كِمـــَــــا عْيون عْجَــــام
عْسِيلة سَمْرة خَمْرية زِين مَن غِيرْ وْشـــــــــام
وِيلٓ وُيلِي لَمّا تَتْمَد ّحِين تَرْمي لَحْــــــــــــزام
مَا نْعود نْبَالي بْمْواج و لَو ْمَــــــــــــانِي عَوَّام
تَشْبَه شَمْس يْلاَ طلَّت نـُــــور مِن دُون غْيــــَـام
و َيْلا بَانَت فْ رَمْضـــــان مَا يْدُوز لِك صْيــــَــام
يـــَا الســــَّايَل وَصْفِي واضَح مَا يْحْتَاج لْــتَنْجَام
مَـــا يَمْسَح آثَـــار الزِّين غِير دُوش أوْ حْمَّــــامْ
★يزيد علوي اسماعيلي ★ 07*01*2020 ★
ليست هناك تعليقات:
إرسال تعليق