★الصورة كَالَة★
رِيتْ قْصيدة كيف هْلال *
فُوق البَرْج العـــــــالي
و عْليها صورة لَـدْلال *
كـَـــــــــتْغازل رجـَّالة
شَفْت الصورة و شُوفِي طال *
حتى شَغْلتْ بــــــــالي
قلْتْ ندخل نْحــــابِيها *
و لَو غِي بْمْقـــــــــالة
حَلِّٖيتْ البَــــاب و لَقْفَال *
وْ دْخلْت بْقْلم نْشــَـالي
لْقِيـتْنِي سَبقُوني قُومـَان *
كلّها و دايَر حَــــــــالة
هـٰــذا فْ يْدُو بَلّعَمَان *
و ذاك بْالْوَرد الغــــــالي
هـــَٰذا يْرشّ عْطَر و ْطِيب *
وْ ذَاك يْقُــــــــول غْزالَة
قَرَّرْتْ نَخْطَبْها فْ حْلال *
و نْجِيـــبْها من تَـــالي
و عْلِيها نْسَوَّل و نْســـَال *
عَن أصَل و سْــــــــــلاَلَة
لْقِيــتْني بِين دْرُوبْ طْـوَال *
كَنْســــــــــَاءل سْؤَالي
كُنْت نْتْسَنَّى جْـذُورْ ثْقال *
ما لْقِيت غِ الَبْسَـــــــــالَة
لْقِيتْ مُضاف يَشْبَه الحَال *
فَـــــاعْل مكسور يْلالي
و الجَمَــــــال عْلِيه ْعْلال *
جَـــــاي مَنصوب بْ- عَلَى-
ما قْدَرْت نكمَّل سْطور *
خْرُجْت و هَزِّيت رْحــالي
و فْهَمْت مَنْْ زِينُو يَعْتَرْ *
يْدِيرْ مَنْ صورة كَـــــــالة
يزيد علوي اسماعيلي
ليست هناك تعليقات:
إرسال تعليق