ماتدوش عليا
راني غير مجدوب الحال
مرة بعقلي ومرة يركبني لهبال
راني غير سارح فهاذ الدنيا
لاعم ولا خال
لابس دربالة ونشالي بجلال
لله يامالين لعقل
واش لي راضع عام ومفطوم
كيف لي راضع لغيال
راني غير داوي
ملي ضيق بيا دنيا
ويهزني الحال
نمشي ف ارض الله
ونعيش جوال
نشك وطى وجبال
نعاشر لكريم
ومانعاشر لبخيل
ونعرف شمايت من رجال
تغرب عليا الشمس فبلاد
اوفبلاد يصبح عليا الحال
تمشي بيا لرياح طاير فسماها
بلا قيود بلا غلال
شفت شي ناس يكولو الذيب حرام
ومصارنو حلال
واش انا لي هبيل
ولا هما لي عقال
مازال بزاف ميتكال
الراس بيض مايخطاه كحال
كلت نقطع خيط من كبة
ساعة مابغى يتفك هاذ لخبال
.......... خالد حدادي ........
ليست هناك تعليقات:
إرسال تعليق