ملاحظة: هذه القصيدة ،ترتبط بسلوكات إنسانية عامة ولا ترتبط بأشخاص معينين...أصدقائي كلهم عزاززززز.....
..................الغربال. ..............
شحال من مرة يا غربالي
خليتني لا حنين لا والي
نهارعرفتك يا بوعيون
و تبهدلت وتكرفص حالي
كل ما نحتاجك يا غربالي
تخدعني وتبهدل حالي
ترمي الدقيق من عيونك
ؤنخالة لبهايم تخليهالي
طلبتك تغربل لي صحابي
و خليتلي غي بنادم لمسالي
راه العشرة حرارت معاك
غادي نشكيك للرب العالي
گدام الناس متسمعش قوالي
تعاشرالكرفي و تخلي الغالي
سير ف حالك يا غربال الشوم
راه ميمكنش تعيش مع امثالي
واش قراينك يغربلو القهوة
و. والحنة ؟سيرراه شانهم عالي
اللي معندو غربال ف قلبو
غادي يعيش عيشة البوهالي
يعيش عيشة الذيب فالغابة
يبات يعوگ طول الليالي
شحال قدك تغربل الباطل
ب غربال الحق يا الجيلالي؟
وأنا اليوم حكيتلكم ما جرالي
ليست هناك تعليقات:
إرسال تعليق