__________________________________________
(كم احب هاته المدينة، لا اعرف لماذا...! ربما لان الطيور
قد هاجرت هذا الوطن؛ ربما لاني احن لأنين الناس كما
احن لأنيني.. لقد باتت السنابل سنابلا بدون حبات القمح.
لا زلت انتظر واتحرك كي اغير لكن هيهات هيهات)
-------------------------------------------------------------------------
//= رشنا بالدرهم=//
"""""""""""""""""""""
رشنا بالدرهم لعل و عسى..
فوسخنا من حانوت العطار..
"""""""""""""""""""""""""""""""""
بخرنا ببخور خانز جيفة.. رطب القلب رشنا شويا..
رشنا بالدرهم لعل وعسى..
"""'""""""""""""""'"""""""""""""""
يمكن ننساو الماضي القريب..
ننساو ازمانك ازمان المحنة..
منقوش على صخور لجبال..
منقوش عار.... عار و سيئات..
"""""""""""""""""""""""""""""""""
الجبال عليك شاهدة..
لبسنا قشاب اجديد.. ايكون ابيض ساطع..
لبسنا تشامير العيد.. لفجر طالع بالمحنة..
""""""""""""""""""""""""""'""""""""
انت لا اتقول لي مبروك العيد..
تعطيني درهم واتشوف ابعيد..
""""""""""""""""""""""""""""""""""
علاش ضيقنا في ضيق....؟
خط مقطوع ينهي الطريق..
خط الطريق خط طويل..
و الامل قليل عندنا ظئيل..
""""""""""'"""""""""""""""""""""
خط ايفكرنا فالمحيط..
غير خليك راجل عربيط..
فكر فكر ... قبل الحيط..
خليك حلو اقوالب سكر..
""""""""""""""""""""""""""""""
أمر كرابك يروي العطشان..
غير دوخنا دوخنا يا فلان..
""""""""""""""""""""""""""""""
يا لفقيه غير اجي اجي..
خويا الفقيه بويا صالح..
يا صاحب لقلم و اللوحة..
يا الفقيه يا بن عمي اجي.!
""""""""""""""""""""""""""""""""
= كان موسم ولى حركة=
---------------------------------
اجي اتشوف راني مذبوح..
سلخوني الف زادوا سلخة..
"""""'"""""""""'""""""""""""""""""
مازال الضغط يخنق لنفاس..
ما زال الفاس يضرب ضربو..
كل فاس ليه نغمة و انغام..!
هذي البداية و اللا النهاية..؟
""""""""""""""""""""""""""""""""""
مبروك عليك يا مدينة..
مبروك الخصة ازوينة..
مبروك الجردة الخضرة..
"""""""""""""""""""""""""""""""""
الحبة والبارود من دار القايد..
كاين الله او باقي الله معانا..
من الفوق الحاكم نزل الغيث..
فضيحتنا افضيحة كبيرة...!
"""""""""""""""""""""""""""""""""
لا مزرار لا كراطة تنفع..
ربي امر خيولنا تنطح..
عادت لكلاب فينا تنبح..
هربنا من الموسم اجري..
""""""""""""""""""""""'"""""
هنا ضاع الريال الاول..
هنا لعبو عليه اللعبات..
هنا طاح الريال الثاني..
قالوا لينا شطحو عليه..
""""""""""""""""""""""""""""
انحفرو الشارع الاول..
انحفرو الشارع الثاني..
انحفرو لمدينة بالكامل..
""""""""""""""""""""""""""""""""
انحطمو لحيوط الشاهدة..!
مشاريعنا اكثيرة واجدة..
الى اسرح بنا الخيال مرة..!
غير ساعة...... ساعة يتلف..
""""""""""""""""""""""""""""""""
لفراجة فيكم كاينة..!
انركبو على الكلخة..
انحركو تحراك الخيل..
""""""""""""""""""""""""""""
فلوسنا شعير دخان للتبوريدة..!
فلوسنا اجنان السيدي بونوالة..
"""""""'""""""""""""""""""""""""""""""""""""""
يا رايس كثرت لمواج راه لفلوكة مايلة..
كعد الميل دير الكالة لا تغرق الشضفة..!
شوف اش من خطة اتليق لمواج باقية..!
""""""""""""""""""""""""""""""""""""""""""""""
فين هارب يا منطيح.. شد الحيط لا ايطيح..
كان موسم ولى حركة..
واش غفلة ولى خلعة..؟
سار لخوى يلعب لعبو..!
"""""""""""""""""""""""""""
العابد عبد الرحيم: 12/04/2018
""""""""""""""""""""
ليست هناك تعليقات:
إرسال تعليق