معانقه بين الصحراوي والحسواني
بقلم:
الشاعر المومني عمر شاطة
الزجال محمد البراقي الحسناوي
في 13/9/2019
الصحراوي:
صح السانك يا علام القوافي ؤالحروف المعصورة من الشهد الصافي...
.
الحسناوي:
الله يحفظك
يا ولد بلادي
خيرت رجال
سيد سيادي
كاين لي لسانه حافي
الله يشافي
راهم مشعلين العوافي
الحافي ما عنده ما يدي من المردوم
كل شي مهموم...
الصحراوي:
ها القوافي ها الخبز الحافي
رجانا فالعالي شي مطيب غداه
ؤشي فطورو ما الكاه
ها العجب ها لي اسب ها لي يحطب
انا بعدا عياو بالهم خلاكي
فكنا يا ربي من فم كل شاكي
كنت صغير ؤ فحل ما نغش ما نوحل
واليوم صارت فينا الدبيحة بالفضيحة
كلبي حزين من فراك لي بغات الخاطر
والخاطر حزين من شي ناس خصرو الخواطر
اها اها عندك لا تنساها شوفت الحباب نزاها
يا سعدات من الكاها والغايب حجتو معاه
كلمن فالدنيا را الحرام كالو
من غير لي صغير ما يعرف والو
الكلام الزين يعرفوه الكوالة
طاح فيدين جواد واجدة البضاعة
والكاتهم معاه الساعة....
الحسناوي:
شي طاح شي تهرس ليه الجناح
ناس اليوم
ماشي كيف البارح
يا صاح
مسلكين مع المودكين
حسابنا تالي
عند العالي....
الصحراوي:
انت وانا لي ما عندهم كانا
مال الدنيا منا هرابا
مال الناس فينا عطابا
تكلب الفلك يا عجبا
وين الربيع وين الصبا
جاحت الويدان ؤكحو نطافي
هادشي فينا كافي
ملي صبرنا على حر الصحاري
ما بقا اهمنا صهد ؤلا صاير الدراري
صبرت فيك يا عينيا نعيبت
ما حصرت دموعك ؤ بكيت
من العزيز عليك ما القيتي صبرا
نطلبو الله كانو يبرا
خيب الكمح مسكين
ؤغاب الماء عليه
وين مشاو الماليه
نزل يا رب رعد
تعود فيه سحابة
تنجح مطامرو بالصابا...
الحسناوي:
كان يا ما كان
كانت القوافي
ترقص على نغمة الگدره
والسنتير
كان الزين طايح عليه السرور
الخدود رمان
عيون زهور
طيحت الزرزور من فوق الصور
القلب مجروح
عطشان....
الصحراوي :
كان يا مكان
انا بعدا
فركو بلالة ماني سامح للحسود
لهلا اربح النمنامة
والعين حادة بيها ما تطلك بدين
لهل الهوا تزيد ندامة
وتزيدها كحل باش الضر الوالعين
بعد البياض كحل دهامة
والنيف صورو مولانا مبهاه زين
عادم علا بنات ادم
وخدودها بروك اشيرورو مساويين
باتو رعوضهم زكلامة
والعنك غير داوي من حس العارفين
كفا منين شاف جهامة
والنون علا الجيب ابانو نابيين
متلتهم لبيض حمامة
ودروعها سيوف النقرة مزخرفين
لشريف جايين إقامة
سيكانها شوابل وسط بحور غامسين
بالسيف يحسبو لقدامة
كولو تبارك الله يا جمع الحاضرين
لا تعطبو رقيق الشامة
محمد ولد عمي بكم زاعمين
الملوك شاهدة فالسماء...
ولد عمي يا عمر
هاذ الزمان ما شي بحال الكان
الناس هضارة
لي بغا يعرف
يدير لهم الدرهم طعم ف الصنارة
الرجلة كلمه ماشي شكارة
خسارة على ذاك الزمان
خسارة
كانت قيمه عند الفنان...
دوك لي بالفلوس كيفي محتاجة
غامرو بالروح ؤدخلو مع المواجة
إلا مشاء مول الزين انوالف الدراهم
لولاد لي عزاز لاشيء تلا بأهم
صرفنا الفلوس على الخير ؤدازو
نساحب صرف ما يعزازو
دوك الجنوح باش اطير السوساو
باهرة من ريشة خلاو
وعلا من عاد باز فمتيل حمامة
نزور بيت الله المنزول من السماء...
الحسناوي:
ما يدوم حال
الدنيا ماشي بالمال
هاد الناس ركبهم الهبال
تقطعو الحبال...
عجل دوانا يا مولانا هادشي راه درانا
لمو شمل ونشدوالحبل
باش نخرجو من هاد الدل
تشوف السعادة فقلوب لعباد
والجيران ؤ لحباب
يا ربي لي تلف رينا اتلف ريو
والواحد ما افرط فخيو
هاد الهم رشاني
الى تحط على جبال الهند إدوبو
ولا تحط على بحور الدنيا اجيحو
والشيطان ما خلا حد ما غطاه بكساتو
غير الله يحفظن ؤ يحفظكم من دوك لي فاتو
الحساب على تالي والقصاص
على الدرويش والدومالي:
ليست هناك تعليقات:
إرسال تعليق