الجزء التاني من قصيدة 🌺؛🌴🌴 كلام من الموجا مشا أو جا 🌴
ؤهابابا عيشور جا
جبتوه ولى جا
أو حتى لجا
واش جاب شي كتاب ولى شي خرجا
لبلاد فعنق اازاجة
والغيطا والظبلا تيزينو لشطحا لفراجا
مشا الحوت مع لعجاجا أو عجبو لحم النعجا
لمخرف ميعرف حتى حجا
يعرف غير يزور قادي حاجا
هذ الشي ألي قرى فالمرجا
مشا لكلام أو جا
لكدوب هيا لي ولات مروجا
كل نهار ينفخو فدرجا
كل نهار يسرقو بيض الفروج ودجاجة
فينكم يالعلما يالحكماالوطن تيتسنكوم ولا واحد جا
لهبال ألهبال لعقول وصلات لسوارخ مابقاو نبال
وحنا باقين فهاذ الحال
مشات جدا أوجات لحكايا
ومشات عاشورامع الطبق عامر بالفاكيا
مشات القيمة الروحية ألي فهذ العشريا
ألي بغا يعرف الله يعرفوافصلاتو
خاتم ألأنبياء عشقتو
والقلبي لبستو
ألي بغا يعرف الله يعرف فحياتو
أما تاتا توتو
ميعيق حتى يلقى راصو فا جهنمة مع خوتو
تاتا توتو
ألف صلاة وسلآم على زسولنا العدنان الفنان
ألي علمنا الفن ؤوصانا نبعدو من ألألوان
عاشورا بألف صورة أو صورة
غمرا خاويا فامطمورة
عاشورا
مشات مع لميمات
خصارا قراوها بالمقلوب هذ البنات
أيه نحافضو على العادات
ولاكن؟؟
لقرايا فين مشات
القيام والأخلاق تمسحات
الضيف ماقا فين يبات
ؤ شلا كلمات مشات ؤجات
الحرف تيعرف الحرف
ؤ لغنم تتعرف غير العلف
والكزار تيعلف ؟
باش يكلها من عرق لكتف
داير عليهم حفلا
لكتير من دراري نعسين فالخلا
كفاش تسلط عليهم هذ لبلا؟
البرلمان مريض ؤفيه كتر من علا
ضاربها بسلا
الشعب هلكو العب وناعس فالسلا
واش بقات فالعيشور
والشواهد فالشوارع تدور
الحكوما متسمع متشوف كتر من الياجور
واخا تطوال وتولي شجرايعليو عليك الصور
شحال من واحد شكون تصوق ليه لاغدا لافطور
تسارا معيا المجدوب تسارا ؤ دور
على الله تشوف العيمرات فالديور
على الله نشوفوفشي حرف النور
تسقات الكصعا والاكن طلقو عليها لبقر والثور
تبخرات لمدينا بكل بخور
التعليم راجع للور
التطبيب ساكتلو المتور
تحفرات الطرقان المنجورا
أو كبرات لكروش واظهورا
صورة واش من صورة
الله ياخد الحق
فالي بغا لهذ الشعب يتفرق
تيشوف عرق كتاف الشعب تيتسرق
ولي بغا يبرق يبرق
ولي بغا يتشنق يتشنق
ولي قال الحق نسميوه لحمق
الكرش الشبعانا ل لجيعانا ماتسوق
واش لبخيل تينفق تيصدق
ديما لابسو الشطان ومقلق
تابعاه دعوة ليتاما والله معاه ما التفرق
يابندم إلى دخلتي للسوق لاإلاه إلا الله من خير متنفق
صابون عاشورا راه تيزلق ؟؟؟
إنتهت القصيدة وشكرا للجميع 10_09_ 2019
قصيدة من ديوان غيوانيات مجدوب بعنوان🌴 كلام من الوجا مشا أو جا🌴 للشاعر الزجال محمد كتامي من مواليد مدينة مكناس المغرب🌴🌺🌺🌴
ليست هناك تعليقات:
إرسال تعليق