🌴🌴كلام من الموجا مشا أو جا
🌴
كلام الجامع دخل فيه جحا
الذيب مصورا ظارب على دهر لغنم حجا
مشا للغا ؤ جا
الثعلب تيعواج إلى شاف دجاجة
ؤلقنياغير بخزويا تلقادها على طريق خارجا
والكنفود الي فالكرسي ممدود
كلا الجلد وبدا فالعود
الله يرحم دوك الولدين ؤ دوك جدود
ألي كانو تيعرفو عيشورابلا برود
كانو يكرمو المسكين وينينو معا الي تينين
الجار حرما والوطن كرما والأسرة ثمرة
مشا لكلام أو جا
مشات ليام الصخونا ولات متلجا
ؤجات وقت جمع كلش فالتلاجة
أو ركز على لفراجا
قالب من قوالب جحا
شعلو الفران وبغاويحرقو تراب فاطرحا
بغاو يشقوا ظلعة العربية والشلحا
كل نهار يخرج سم يزد فالجرح ملحا
كل نهار تسقط غيمة على ضليما باش مايولد لا محمد ولا حليمة
كبرات ضليما مات الوليد ؤماتتالوليدة
بقيت فا تراب بلا تراب
تقطعات الصيلا وتسد الباب
كترة الطرقان دوخات الشباب ؤكملات بالشياب
كترولقرودا إلي تيشطحهوم ذياب
زرعو الشطان حتى وصط الحباب
بارك من سد الببان
بارك من تعبيس ونفيخ الحجبان
نهار طلع والي عند شي غادي يبان
الوطنية فالقلب ماشي فالفيلا وجنان
الوطنية ألإجتماعية ما يتوجع فيها إنسان
أوفين الإنسان
لابس الريح
تيعبد شطيح
تيصلي غير منين تيطيح
بتيخا من البتخيخ
تتمرض كل صحيح
واسيح معيا يالمجدوب سيح
سيح فايامتا يام شطيح ورديح
الشطان تيتفرج
ؤتيعزل غيرلوصخ فالمليح
والغني أكبر شحيح
لعشور ردها عاشورا
ومسح حق الله من الصورة
وبدات لفراخ الطيح فالمطمورة
ها تشرميل
ها السرقا بنهار والليل
ها تبزنيس فالمدرسة والتجميل
ها الجمعات فخر الليل
ها الأطفال فاصطوبات
تتوصخ وجه ترابي لجميل
ها ميا ألف صورة ؤصورة فهاذ الجيل
مافاجهدو ميدير لي رباه عليل
بخيل🌴
قصيدة زجل من ديوان غوانيات مجدوب
للشاعر الزجال محمد كتامي في 09_09_2019 مكناس💦🌴🌺🌺🌴
ليست هناك تعليقات:
إرسال تعليق