//= مولاي امولاي=//
÷÷÷÷÷÷÷÷÷÷÷÷÷
كثرت لمواسم.......كثرت لعياد..
قل الايمان ........اكثر الفساد..
عليك انموت انا يا بلادي حرة..
""""""""""""""""""""""""""""""""""""""""""""
صبغوا الكفن بدمي حمر يعطي الراية..
""""""""""""""""""""""""""""""""""""""""""""
مولاي اسيدي بكل طاعة طايع..
نقسم نحكي ما سار فالاوضاع..
"""""""""""""""""""""""""""""""""""""
لبلاد سارت قياد و جدارمية.. بوليس عسكر هي و امخازنيا.. الوقت بغات الحراز او لحمية..
حيث يضرب سيف او جنوية..
"""""""""""""""""""""""""""""""""""""
الشبان راتعة في جنان اكتامة.. الشيخ و الطفل عشاق ليقامة..
الدايخ الخوه او قلت لفهامة..
""""""""""""""""""""""""""""""""""""" حكامنا شرحوا الآية بالمقلوب.. خنقوا فينا لنفاس لا من يتكلم.!
لا سار يا سيدي ايقطعوا لسانو..
""""""""""""""""""""""""""""""""""""" قطعوه ايحزوا بالموس حافي..
لا رحمة و لا شفقة هي اتشافي..
""""'""""""""""""""""""""""""""""""""
اللي يفهم فينا راهم كبلوه.. كبلوا رجليه بكبل حدادى.!
"""""""""""""""""""""""""""""""
اعطاوه بالسوط ضربات..
زادوا ضرب الزلاط ثاني.. عطشوه في حر اسمايم..
بين لحيوط راحو دخلوه.. سجنوه في حبس دايم..!
"""""""""""""""""""""""""""""""""""
يترعدو فيه بلا برد الليالي.. مبني بالردم واحديدو هاري..
لفقيه فينا ساروا حمقوه..! في برشيد اكراوا لو ادويرة..
"""""""""""""""""":"""""""""""""""""
لا باب عندها ايسير انفتحوه.. لا ضو فيها سار قنديلها طافي..
ممنوع الى اعشقنا انزوروه.. من وحشو كثرت الدموع سالت..
""""""""""""""""""""""""""""""""""""""""""""""""
من حر الدموع اتسيل ما حبستها اجفاني.. تبكي واتنوح لعيون سيدي ركبتها العلة..!
""""""""""""""""""""""""""""""""""""""""""""""""
مولاى امولاي... مولاي امولاي..
مولاي من غيرك ايكون سيدي..!
نحكي وانعاود ليك اسراري..
بالخزاين والخيل كنا انزوروك..
"""""""""""""""""""""""""""""""""""""""
خدامك سيدي ما زال انزورو و انبايعو.. عرضونا سرنا... خلاوا الميس على الصفية.. ضايفونا للعرس ما شفنا عريس لا عروسة..
كبار القوم اغرسنا نتفوه لا ازرع لا زريعة..
شي اكلا اللحم تخمة اكلينا قرسة علقرسة..
""""""""""""""""""""""""""""""""""""""""""""""""
مولاى امولاي اقسمنا و اعطينا العاهد..
انخيبو الى زغنا عارفين لعدو راه واجد..
"""""""""""""""""""""""""""""""""""""""""""""""
من غيرك يعرف لي حكاية..
من غيرك يعرف لي اسراري..
انت تبني فينا جحا ايريب..
ينسب لي اقوال بالمرة ننفيها..
ياكل يشرب من البيت خاون.. مخار الدار حشى ايكون سارق..
""""""""""""""""""""""""""""""""""""""
÷÷÷÷÷÷÷÷÷÷÷÷÷÷÷÷÷÷÷
العابد عبد الرحيم:غشت 2017
÷÷÷÷÷÷÷÷÷÷÷÷÷÷÷÷÷÷÷
ليست هناك تعليقات:
إرسال تعليق