اكلام من القلب
**********
مزين النور إلى فكهر، يفاجي لظلام
يكشف لغمام يشعشع لبدر لبشاير تبان
تهنى لخواطر واليأس يزيد لقدام
يجافي يهجر ويعم لبلاد لهنا والسلام
والسكينة الأمان
يوعى الكل يتعقل
المسؤول يكون مسؤول سالك طريق المعقول
لمسؤوليتو يتحمل ، راه حلف أدى القسم
يتقي الله يفكر ف الحلف بلا مصلحة بلا " ظرف"
بلا لهطة بلا طمعية الأنانية منفية
ينقص كثرة الهدرا ومشاريع المحسوس
خير لكلام ما قل و دل
وتزول الحكرة والذل
و ها المواطن اتبشر ، اصبح صالح ما شي طالح
مساهم ف بناء الوطن ، لقى الخدمة فين يشتغل
وما يبقى الشباب عاطل
التعليم لازم والصحة ، إصلاحهم يتم اسريع
او حتى على مراحل ، المهم لضماير تصحى
ولا سماحة لأي مسؤول كان فعلو سيء مدغول
المحاسبة أفضل حلول ، وتمشي ف طريق الوضوح
وكل من واعدنا بالإصلاح ينفذها من دون امزاح
وعودو ما تكون غير اكلام ،
خاوي بحال كسدة بلا روح
* * * * * * *
عبدالرحمن ذكي .
ليست هناك تعليقات:
إرسال تعليق