..................فين مشا عقلي ...................
ملي كنت راجل لبيب
رصين لوقر مني يگطر
بلاصتي كبيرة وسط الجماعة
كنت همة وشان وعقل
كان المال معمر الجيب
اللي گلتها حليب وتمر
كانت عندي هبة قوة ومناعة
و قلب ما يعرف غل
كان الدوار كلو حبيب
كنت السي مقاري سطر
حيث كانت ليهم معايا منفاعة
كنت غير نية كنت مغفل
ملي الضرع خوا من الحليب
وتبليت بقلة الصحة والفقر
وليت بينهم ضحكة حديث الساعة
ولى كي القب كي السطل
لي كان حبيب رجع ذيب
يطعني بخنجر الغدر للظهر
بغاو يدرسو بيا شوك الگاعة
وحتى احترامهم ليا قل
وليت بيناتهم هايم غريب
زادوني بهضورهم الضر
أنا لي ثقت بيكم ياديك الرباعة
حيث ما كان عندي عقل
راه صعيب أخويا صعيب
من بعد العز والهيبة تعثر
دير ثيقتك فالشلاهبية القطاعة
قلوبهم مليانة حقد وغل...
حسن صبي ...
ليست هناك تعليقات:
إرسال تعليق