فين اللي كان زمان
ايام الكربة وريحتها
فايحة قطران
توحشت الخابية
نشرب منها وانا عطشان
فين الخير اللي كان
الخبز بي لوكيد
طايب في الفران
فين الزرع البلدي
فيه وكفة g
ومنور وسطو بلعمان
فين السانية أوفين جنان
أوفين لعيون اللي كانت تجري
وماها يكب في الويدان
اليوم لبيار وكحت
والعيون جفت
حتى شي مابقى كيفما كان
فين اللمة ملي كان لحباب
على الصنية مجمعين
كيف ناس زمان
والبراد هوا قايد الكيسان
على المجمر يتشحر
من حر النار داير لسان
وأتاي بلكشكوشة
مايعمرو غير شيخ
الجماعة اوفنان
خالد حدادي
ليست هناك تعليقات:
إرسال تعليق