🌴مراكش الخير🌴
مراكش يالحمرا يالثمرة
هانتي اليوم جرحك برا
ملكنا نورك وردك ﮔمرة
بغى يشوفك ديما حاضرا
بالتراث والحضارة منورا
هنا بغيناك يالراجل ويالمرا
كل واحد ينقي بابو ويزرع شجرة
يحب جيرانو ويحسن الجورا
يزرع الورد ويربي بالخير ألأسرة
الله يبارك فاعمر سيدنا الجوهرة
و ياخدوا منو العبرة
يالمدون ويالقرى
نظفي وجهك من الغبرة
الوطن ميتباع ميتشرا
واش فهمتوا
أش قاليكوم سيدنا زين النضرة
المجتمع خاصوا يبرا
هادي أحسن بشرى
ولاد وبنات كلشي يقرا
جامع الفنا فالتاريخ مجدرة
الكتبية باقية شامخة ومكبرة
والمنارة ديما منورة
كلشي باغي ياخد معاهم صورة
هادي حقيقة ماشي هضرة
يا مراكش يالحوزية
2017 هدا ليك محمد السادس أحلى هدية
أنت وجه كل مغربي و مغربية
أنت سفيرة الدولة المغربية
التراث المغربي وصلتيه للعالمية
كرمك الله بأحسن صباح وعشية
فيك النزايه بالطنجية
مجمعنا ما يخطاه أتاي بالنعناع والصينية
يا لمرضية يا مراكش الإفريقية
هانتي اليوم فالرعاية الملكية
أنت شمس وأمان لكل عربي و عربية
وا لجميع البشرية
أنت سر الله فهاد الكرة ألأرضية
قصيدة من ديوان وطنيات مجدوب محمد كتامي 17-10-2019
💖🌴🌺🌺🌴💦
ليست هناك تعليقات:
إرسال تعليق