حوارية2
بعنوان: بردعت حماري
سمعو القصة ياحضار
سمع يالمجدوب
قلت معك
نحكي لجرا وصار
واش ف الدنيا طاري
ملي نسالي
رد عليا لشوار
بردعت حماري
بالبردعة والشواري
قطعت لخلا والقيفار
دخلت للسوق شفت
العطار...
العطار بايع وشاري
عندومجامر
طالق دخاخن
فيها عود العرعار
وزغيبات الفار
طاحت عيوني
على شي حجبان
كبار...
يا مكتوبي
كتاب المكتوب
شغلو قلبي
القلب ماشي صبار
اخطف شوفي الحب
الغدار....
يالمجدوب
كلمت تخمامي
قلت نعمر الدار
نخلي ورايا ادراري
نكمل دين حروفي
لقيتني داوي وحدي
مشبك كفوفي
مسمر كيف لوتد
واقف على رجل
ميزان مسمار...
يالمجدوب
تبسمت مولات لقوافي
طحت في الشبكة
بلا سبوب بلا سمسار
بلا سحور بقيت مبهور
جيت على نيفي مكبوب
في بحور لغرام
بان قمار زينو مسرار
مخزون تحت
الخيمار...
هدا حالي كيف البوهالي
درت راسي ف راسو
صادفت الهموم بالقناطر
شربني كيسان لمرار
العيشة حرارت
بغات يتحرفني
كيف ااشمار
لغوات ليل ونهار
سنان لسانها
منشار...
فگدت ف حماري
لقيتو كلا البردعة
زاد لشواري
مشيت ع ركابي
وصلت للدار
حكيت لجاري
حكا لجارو
اولاد لحمام لربيت
لقيتهم خواو القفز طارو
عقلي حار
شعلات ف جوفي نار
لعظام تتصهد على
الجمار...
قال المجدوب
لغرام كيف لحمام
فيه ليعبد ف لمقام
فيه ليهجر لرسام
الطير طار ضاق الحال
هجر لوكار
فرحاتو لزار وخفف
ماخلا آثار ماجبد عار
خيالو مايتلف
لوجه الا كشف يعطي
لخبار:
11/2/2019
بقلم محمدالبراقي الحسناوي
ليست هناك تعليقات:
إرسال تعليق