~~~~لالة مولاتي~~~
لالة مولاتي
مشمرة الكتاف
على سينية الصباح
والبراد يغضب بلا نافخ
وسبولة مقراجها من نحاس ولاف
و الربيعة ليها عساس
ومن نعناع البحيرة
ومن قدح سمن وعسل الجباح
يطلع نهار القبيلة متول
من ريحة مولاتو...تاج الراس
كسوتها ثليجة وزيف حرير
سواكها مختور و نظرة كادية
والعينين من كحلهم
يافتاح يارزاق ...مول الدار
يسرج عودو قطيفة وزواق
السلهام والرزيزة هما الساس
والكلمة كلمتو خذ ا الفتوح
من الخيمة الكبيرة
وبنت الأصل الممدوح
حبها سلاح وكلامها مفتاح
ساكنينو بلا قياس
لالة مولاتي مربوعة القد
طولها زين باهي ...
بنت الخير والخمير
كانونها حروف ...
من زمان لزمان وحتى هذ الزمان
عروسة في كل ايامها
بلا...بلا عراس...
نعيمة سفياني زهرة المدائن
المغرب
ليست هناك تعليقات:
إرسال تعليق